Dramaturgiya və teatr   Dramaturqlar

Rüstəm İbrahimbəyov

Rüstəm İbrahimbəyov — yazıçı, kinossenarist, prodüser, kinorejissor, ssenarist, kinodramaturq,  Azərbaycanın xalq yazıçısı, Azərbaycanın və Rusiyanın Əməkdar İncəsənət Xadimi.

Azərbaycan Kinematoqrafçılar İttifaqının rəhbəri, Oskar mükafatı laureatıdır.

Rüstəm İbrahimbəyov 1939-cu fevralın 5-də Bakıda, Məhəmməd İbrahimbəyov və Fatimə Məşədibəyovanın ailəsində anadan olmuşdur. O həm Azərbaycanda, həm keçmiş postsovet məkanında, həm də bütün dünyada peşəkar ssenarist, dramaturq və rejissor kimi tanınır.

Rüstəm İbrahimbəyov Azərbaycan Neft və Kimya İnsitutunu bitirmiş, sonralar Moskvada S.A. Gerasimov adına Rusiya Dövlət Kinematoqrafiya İnstitutunda ssenarist və rejissor ixtisaslarına yiyələnmişdir. Onun əsərləri əsasında 40-dan çox bədii film, televiziya filmləri və tamaşaları çəkilmişdir.

"Urqa – məhəbbət dairəsi  (1991)" Nikita Mixalkov tərəfindən ekranlaşdırıldı və ABŞ-da  "Cənnətə bağlı" (Close to Eden) adıyla tanındı.  Film  Venesiya  Film Festivalının  Qızıl Şir Mükafatına, Avropanın ən yaxşı filmi kimi Berlində "Feliks Mükafatı"na layiq görüldü. Bu film hətta ən yaxşı xarici dildə tərcüməyə görə 1992-ci ildə "Amerika Film"də Akademiya Mükafatına layiq görüldü.

Ssenari müəllifi olduğu "Günəşdən usanmışlar" filmi (Nikita Mixalkov tərəfindən ekranlaşdırılıb) 1994-cü ildə "Ən Yaxşı Xarici Dilli Film" kimi Akademiya Mükafatına, Jurinin Böyük Prizinə və 47-ci Kann Beynəlxalq Film Festivalına layiq görüldü.

Onların daha bir filmi "Sibir bərbəri" 1998-ci ildə Avropanın ən böyük büdcəli filmi sayıldı.

1999-cu ildə İbrahimbəyovun Sergey Bodrovla birgə ssenarisini yazdığı Fransız direktivi Régis Wargnier olan "Şərq-Qərb" filmi "Oskar" mükafatına layiq görüldü.